Brasilíski landsliðsmarkvörðurinn Alisson Becker var sendur aftur til Englands eftir að hafa hlotið höfuðmeiðsli í landsleik Brasilíu gegn Kólumbíu á dögunum.
Alisson gekkst undir rannsóknir hjá félagsliði sínu Liverpool við komuna til Englands og eru fyrstu niðurstöður komnar í ljós.
Samkvæmt þeim er Alisson við fulla heilsu og getur verið liðtækur strax í næsta leik Liverpool eftir landsleikjahlé.
Markvörðurinn á þó eftir að fá niðurstöðu úr öðrum rannsóknum.
Ef allt fer sem skyldi gæti brasilíska landsliðið reynt að krefjast þess að Alisson fljúgi aftur alla leið til Suður-Ameríku til að taka þátt í næsta leik liðsins, stórslag á útivelli gegn heimsmeisturunum og erkifjendunum frá Argentínu.
Athugasemdir
