Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 22. maí 2020 09:30
Magnús Már Einarsson
Heimir Guðjóns reiknar ekki með að bæta við hópinn
Heimir Guðjónsson þjálfari Vals.
Heimir Guðjónsson þjálfari Vals.
Mynd: Fótbolti.net - Hafliði Breiðfjörð
Heimir Guðjónsson, þjálfari Vals, reiknar ekki með að bæta leikmanni við hópinn áður en Pepsi Max-deildin hefst 13. júní næstkomandi.

Heimir sagði frá því í vetur að Valsmenn vildu bæta við framherja við hópinn. Kantmaðurinn Aron Bjarnason kom frá Ujpest á láni á dögunum en hins vegar er ólíklegt að nýr framherji bætist við fyrir mót.

„Áður en að Covid kom þá vorum við að reyna að fá annan framherja. Í dag er það gríðarlega erfitt," sagði Heimir í viðtali við Benedikt Bóas Hinriksson, Breka Logason og Jóhann Alfreð Kristinsson í hlaðvarpinu Vængjum þöndum hjá Val.

„Ég myndi halda að hópurinn sem við erum með í dag sé sá hópur sem við treystum til að fara inn í mótið. Ég reikna ekki með að það verði gert eitthvað meira en maður veit aldrei. Kannski opnast eitthvað í júní. Það er erfitt að segja í þessu ástandi."


Athugasemdir
banner
banner
banner
banner