Lestu um leikinn: Leiknir R. 5 -  0 Víkingur Ó.

Ákefð og grimmd heimamanna var áhorfendum ljós frá fyrstu mínútu og sem dæmi fengu Leiknismenn alls átta horn á fyrstu tíu mínútum leiksins.

„Við vissum að við þyrftum karakter í dag. Bjarki,Ósi og Binni voru ekki með okkur í dag og við þurftum allir að stíga upp sem og við gerðum og mér fannst allir eiga frábæran dag í dag.“

Heilt yfir var frammistaða Leiknismanna frábær í kvöld. En hvað fannst fyrirliðanum skara fram úr í kvöld?

„Mér fannst ákefðin og baráttan, fyrsti og annar bolti, þetta allt var svo gott hjá okkur í dag. Siggi talaði um að við hefðum verið töluvert undir í einvígum á móti Magna það var númer eitt, tvö og þrjú hjá okkur að vera yfir í baráttunni og þegar við erum yfir í baráttunni á okkar heimavelli þá kemur alltaf þessi góði fótbolti sem við spilum með. “

Leiknir settist með sigri kvöldsins í toppsætið og stimplar sig rækilega inn í baráttuna um sæti í Pepsi Max deildinni að ári og þó stutt sé liðið af mótinu hlýtur markmiðið að vera að halda því og fara upp í haust?

„Já. Markmiðið er að koma í hvern einasta leik og spila nákvæmlega eins og í kvöld, þar sem ákefðin er 100%, allir eru on og þá er þetta líka bara miklu skemmtilegra þegar allir gera þetta 100% af krafti þá er bara skemmtilegt að spila fótbolta.“

Allt viðtalið má sjá hér að ofan.