Stjörnumenn þurfa að laga varnarleikinn í föstum leikatriðum.
'Það er ánægjulegt að sá spádómur minn hafi ræst, þannig að þeir (leikmenn) haldi áfram að trúa því sem ég segi fyrir leiki'
Varnarleikur Stjörnuliðsins í föstum leikatriðum hefur ekki verið boðlegur.
Liðið fékk á sig eitt mark eftir horn gegn Vestra í þarsíðustu umferð, eitt mark eftir hornspyrnu gegn FH í síðasta leik og sömuleiðis eitt mark eftir aukaspyrnu, og í leiknum gegn HK í gær fékk Stjörnuliðið á sig þrjú mörk eftir föst leikatriði.
Liðið fékk á sig eitt mark eftir horn gegn Vestra í þarsíðustu umferð, eitt mark eftir hornspyrnu gegn FH í síðasta leik og sömuleiðis eitt mark eftir aukaspyrnu, og í leiknum gegn HK í gær fékk Stjörnuliðið á sig þrjú mörk eftir föst leikatriði.
Lestu um leikinn: HK 4 - 3 Stjarnan
Ómar Ingi Guðmundsson var greinilega búinn að sjá þennan veikleika í leik Stjörnunnar þegar hann undirbjó lið HK fyrir leikinn í gær.
„Já, við vorum búnir að sjá þennan veikleika. Þeir voru búnir að fá á sig mörk úr föstum leikatriðum í síðustu tveimur leikjum, eitthvað um 20% af mörkunum sem þeir hafa fengið á sig hafa komið eftir föst leikatriði. Við skoruðum úr föstu leikatriði í síðasta leik og við ætluðum að vera aggressífir þar. Það gekk upp," sagði Ómar Ingi við Fótbolta.net eftir leikinn.
„Við erum með gífurlega sterka leikmenn inni í boxinu hjá okkur og góðan spyrnumann í George (Nunn). Það er ánægjulegt að sá spádómur minn hafi ræst, þannig að þeir (leikmenn) haldi áfram að trúa því sem ég segi fyrir leiki," sagði Ómar.
Jökull Elísabetarson, þjálfari Stjörnunar, er mjög meðvitaður um að hann og hans leikmenn þurfa að laga varnarleik sinn eftir föst leikatriði eins og heyra má í viðtalinu hér að neðan.
Athugasemdir
