Brynjar Björn.
HK heimsótti Magna á Grenivík í 32-liða úrslitum Mjólkurbikarsins í kvöld. Úr varð hörku leikur en HK tryggði sér sigurinn með marki úr vítaspyrnu á 87. mínútu. Brynjar Björn, þjálfari HK, segir að frammistaðan hjá HK hafi ekki verið nægilega góð í fyrri hálfleik en hann var sáttur með þann síðari.
Lestu um leikinn: Magni 1 - 2 HK
„Hún var ágæt, hún var ekki nógu góð í fyrri hálfleik fannst mér en við rifum okkur aðeins í gang í seinni hálfleik, vorum aðeins agressívari og beinskeittari og fengum tvö mörk upp úr því."
HK-ingar mættu öflugri í síðari hálfleikinn og tókst þeim að klára leikinn. Hvað sagði Brynjar við sína menn í hálfleiknum?
„Ég sagði, geggjaður veður, góður völlur og frábært útsýni. Eina sem við getum verið svekktir með erum við sjálfir. Við löguðum það og þetta var fullkominn endir."
Brynjar var spurður út í þær sögusagnir að Arnar Freyr Ólafsson, markvörður HK, verði lengi frá vegna meiðsla sem hann hlaut í fyrsta leik sumarsins gegn FH.
„Arnar verður smá frá, það er ljóst. En standið á hópnum er fínt og kærkomin viðbót að fá Ara (Sigurpálsson) og Stefan (Ljubicic) inn í hópinn líka. Þannig að við fáum aðeins meiri breidd í hópinn."
Nánar er rætt við Brynjar í spilaranum hér að ofan.
Athugasemdir
