KA menn gerðu góða ferð suður með sjó þegar þeir heimsóttu heimamenn í Keflavík þegar 14.umferð Bestu deildar karla hélt áfram göngu sinni í dag.
KA sitja áfram í 3.sæti deildarinnar og eru einu stigi á eftir Víkingum í 2.sæti deildarinnar en Víkingar eiga þó leik til góða.
Lestu um leikinn: Keflavík 1 - 3 KA
„Bara ógeðsleg sæt og ég er svo glaður að við komum tilbaka eftir að í raun að markið kemur gegn gangi leiksins og við erum góðir fram að markinu og svo höldum við áfram að setja á þá og fáum 2 mjög góð færi í fyrri hálfleik og óheppnir að setja það ekki inn." Sagði Nökkvi Þeyr Þórisson leikmaður KA eftir leikinn í dag.
„Við ætluðum bara að halda áfram að þrýsta á þá og við vissum að markið myndi detta og sem betur fer datt markið inn og svo var það bara spurning um að sækja þrjú stig og við sýndum bara ótrúlegan karakter að ná í öll þrjú stigin í dag og ég er mjög stoltur af liðinu og þetta var frábær liðs frammistaða í dag, bara gæti ekki verið sáttari."
Nökkvi Þeyr Þórisson setti sitt 10. mark í deildinni í leiknum í dag og er í harðri baráttu um markakóngstitilinn.
„Ég er bara að leggja mig eins mikið fram fyrir liðið og ég get og einbeiti mér að því að standa mig sem best fyrir liðið og þá bara vonandi fylgja mörkin með."
Nánar er rætt við Nökkva Þeyr Þórisson í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
