Barnalegur varnarleikur
„Það eru vonbrigði. Gríðarleg vonbrigði að missa niður 2-0 aftur," sagði Sigurbjörn Örn Hreiðarsson, þjálfari Grindavíkur, eftir jafntefli gegn Magna.
Lestu um leikinn: Magni 3 - 3 Grindavík
Leikar enduðu með 3-3 jafntefli og kom jöfnunarmark Magna upp úr hornspyrnu þegar ríflega 95 mínútur voru liðnar af leiknum. Það hlýtur að hafa verið svekkjandi?
„Þú getur rétt ímyndað þér að það sé svekkjandi að fá á sig mark eftir 90 plús trekk í trekk. Við þurfum að fara í naflaskoðun með það. Þú ert einu marki yfir og þegar andstæðingurinn fær fast leikatriði þá er hætta á þessu. Við erum að hleypa andstæðingum of nálægt okkur á lokamínútunum, þú vilt vera búinn að klára svona hluti."
Þetta var fimmta jafntefli Grindavíkur í röð. Er það áhyggjuefni?
„Þú færð bara eitt stig fyrir jafntefli og því fimm stig af fimmtán mögulegum. Það er allt of lítið, fáránlega lítið."
Grindavík komst tveimur mörkum yfir eftir tvær fléttur upp úr honrspyrnum. Hvað gerist þegar Magni kemst inn í leikinn?
„Þetta var barnalegt, við vorum með barnalegan varnarleik í þessu marki [fyrsta marki Magna]. Þá vitum við að liðin ganga á lagið og við verðum að fara yfir þennan varnarleik, lélegt því miður."
Viðtalið í heild sinni
Athugasemdir