Stjórnarmenn innan raða Barcelona óttast að þýski markvörðurinn Marc-Andre ter Stegen þurfi að fara í aðgerð á hné fyrir næsta tímabil.
Ter Stegen hefur verið að glíma við meiðsli á sin í hné og hafa þau verið að versna að undanförnu.
Ólíklegt er að markvörðurinn verði sendur í aðgerð á næstu dögum þar sem Börsungar eiga mikilvæga leiki framundan í Meistaradeild Evrópu.
Þetta eru afar slæmar fréttir fyrir Barcelona sem er þegar búið að missa af Spánarmeistaratitlinum og Konungsbikarnum.
Næsti leikur er í 16-liða úrslitum Meistaradeildarinnar, á heimavelli gegn Napoli eftir 1-1 jafntefli í fyrri leiknum.
Ljóst er að ter Stegen yrði frá í minnst þrjá eða fjóra mánuði eftir aðgerðina.
Athugasemdir