Fótbolti.net

Gunnar Heiðar talar um barnaleg mistök - „Verðum að gera betur í meistaraflokki"

Badu fann fyrir létti - „Á ekki að bregðast svona við"

Nenad: Er kominn með afsökun til að bekkja allt liðið

Gísli Eyjólfs: Við þurfum að fara vakna

Frábær frammistaða Keflvíkinga - „Hann er gríðarlega mikilvægur fyrir okkur"

Heimir óánægður með viðbrögð síns liðs: Fannst við aldrei reyna

Davíð Smári: Einhver tappi losnaði

Lárus Orri: Ekki eitthvað eitt sem hægt er að horfa í hvað það varðar

Hemmi svekktur: Stóru ákvarðanirnar allar á móti okkur í dag

Jói Kalli: Hörkugæði og hraði í þessum strák

Jakob Byström í viðtali á íslensku: Súper glaður

Brynjar Björn: Við verðum að nýta færin sem við fáum

Óli Skúla hundóánægður: Spiluðum þetta upp í hendurnar á þeim

Rúnar Kristins: Sjaldan fagnað eins mikið og núna

Langbesta frammistaða Mosfellinga - „Ungur og efnilegur leikmaður sem á framtíðina fyrir sér”

Gils Gíslason: Við erum miklu betri en þessi tvö stig

Amin: Hélt að ég yrði alltaf í byrjunarliðinu og þyrfti ekki að verjast

Jökull segist ekki finna fyrir pressu - „Svekktur fyrir hönd liðsins“

Óskar Hrafn: Það er svo dásamlegt við Jökul

Siggi Höskulds eftir stórt tap: Þeir voru sterkari, fljótari og betri í fótbolta

sun 27. apríl 2025 16:33

Arnar Daði Arnarsson

Björgvin Karl: Áttum í rauninni ekkert skilið

Björgvin Karl þjálfari FHL.

Mynd: Fótbolti.net - Hafliði Breiðfjörð

Björgvin Karl Gunnarsson þjálfari FHL var vonsvikinn með spilamennsku sinna stelpna í 3-1 tapi liðsins gegn FH í Hafnarfirðinum í dag.

Þetta var fyrsti leikur 3.umferðar í deildinni en FHL er enn án stiga í deildinni.

Lestu um leikinn: FH 3 - 1 FHL

„Mér fannst við vera slakar í fyrri hálfleik og við áttum í rauninni ekkert skilið. Það hefði hinsvegar verið ljúft að vera bara einu marki undir í hálfleik en því miður vorum við tveimur mörkum undir," sagði Björgvin Karl sem var ánægður með hvernig stelpurnar komu inn í seinni hálfleikinn.

„Við ákváðum að stíga aðeins á þetta í seinni hálfleik og við náðum því. Við fengum tækifæri til að gera enn betur en þá vantaði uppá að sendingar eða móttökur væru betri."

„Við náðum að klóra okkur aðeins inn í leikinn en það kostaði okkur það að þær skora sitt þriðja mark. Ég hefði viljað fá heilt yfir öflugri frammistöðu frá okkur í dag," sagði Björgvin sem var svekktur með bæði mörk FH í fyrri hálfleiknum.

„ Við hefðum átt að gera betur í báðum mörkunum þeirra."

María Björg Fjölnisdóttir fór af velli eftir rúmlega 20 mínútna leik.

„Hún hefur verið tæp frá því að hún byrjaði aftur. Við erum að reyna koma henni aftur af stað. Hún var ekki búin að spila fótbolta í tvö ár. Hún hefur gert mjög vel fyrir okkur og vonandi verður hún komin sem fyrst aftur á fullt."

Framundan er nýliðaslagur þegar FHL mætir Fram í 4.umferð Bestu-deildarinnar.

„Það er frábært að vera búnar að skora og koma okkur aðeins á blað þó svo að við höfum ekki fengið nein stig. Þetta verður stórleikur. Við höfum oft spilað við Fram áður og það hafa alltaf verið hörkuleikir. Við þurfum að einbeita okkur að því að gera betur en við höfum verið að gera í 90 mínútur og vonandi gengur það eftir gegn Fram," sagði Björgvin sem gerir ekki ráð fyrir því að styrkja liðið fyrir lok félagaskiptagluggans.

„Það er ekkert sem er í hendi þar og ég hef ekkert verið að skoða það neitt."