Alessio Romagnoli kom Milan yfir í leiknum, en Sassuolo svaraði því mjög vel og var komið yfir, 1-2, áður en flautað var til hálfleiks. Domenico Berardi skoraði þriðja mark Sassuolo á 66. mínútu leiksins.

Að koma til baka varð mikið erfiðara fyrir Milan eftir að liðið missti Romagnoli af velli með rautt spjald á 77. mínútu. Milan tókst ekki að skora og lokatölur 1-3.

Napoli nýtti sér tækifærið og náði þriggja stiga forystu á toppi deildarinnar. Napoli vann öruggan sigur á Lazio í leik sem var að klárast, 4-0.

Tammy Abraham var þá hetja Roma gegn Torino. Enski landsliðsmaðurinn skoraði sigurmarkið á 32. mínútu leiksins og eru lærisveinar Jose Mourinho í fimmta sæti, þremur stigum frá Meistaradeildarsæti.

Úrslit og markaskorara dagsins má sjá hér að neðan.

Milan 1 - 3 Sassuolo
1-0 Alessio Romagnoli ('21 )
1-1 Gianluca Scamacca ('24 )
1-2 Simon Kjaer ('33 , sjálfsmark)
1-3 Domenico Berardi ('66 )
Rautt spjald: Alessio Romagnoli, Milan ('77)

Napoli 4 - 0 Lazio
1-0 Piotr Zielinski ('7 )
2-0 Dries Mertens ('10 )
3-0 Dries Mertens ('29 )
4-0 Fabian Ruiz ('85 )

Roma 1 - 0 Torino
1-0 Tammy Abraham ('32 )

Spezia 0 - 1 Bologna
0-1 Marko Arnautovic ('83 , víti)

Udinese 0 - 0 Genoa