Bestur í 18. umferð: Var hluti af öflugum árgangi AGF í Danmörku

Sjá einnig:
Lið 18. umferðar: Leiknir R. og Fram eiga þrjá hvort

„Mér fannst þetta mjög góður leikur hjá okkur. Sérstaklega í seinni hálfleik náðum við að stjórna leiknum bæði með boltann og í pressunni. Við erum búnir að spila vel undanfarna leiki, en loksins skilaði það sigri," segir Jón Jökull um leikinn gegn Þrótti.

Um sína eigin frammistöðu í leiknum segir hann: „Já, ég var sáttur með hana. Ég reyndi að gera einföldu hlutina vel og sinna mínu verkefni á miðjunni. Og auðvitað var það gaman að skila einhverju sóknarlega þegar tækifærið bauðst."

Jón Jökull er á 19. aldursári en hann hefur búið í Danmörku næstum allt sitt líf. Hann var áður á mála hjá AGF í Árósum.

„Mér var boðið á reynslu hjá akademíunni í AGF þegar ég var 12 ára, og spilaði þar í sjö ár. Þessi ár gáfu mér mikla fótboltareynslu enda var ég þar hluti af öflugum árgangi þar sem við unnum U17 Danmerkur-meistaratitillinn tvö ár í röð. Árið 2019 lenti eg því miður í krossbandssliti og síðasta árið mitt hjá AGF U19 liðinu fór þess vegna að mestu leyti í endurhæfingu. Ég kom úr AGF mjög hungraður í að spila aftur fótbolta á fullu. Ég var því mjög spenntur að ganga til liðs við ÍBV Í sumar."

Hvernig myndi Jón Jökull lýsa sér sem leikmanni? Ég myndi segja að ég sé miðjumaður sem reynir að tengja leikinn vel og vinna í báðar áttir."

ÍBV er eftir sigurinn á Þrótti sex stigum frá öðru sætinu þegar liðið á fjóra leiki eftir. „Já, við eigum ennþá möguleika," segir miðjumaðurinn ungi.

„Þótt við hefðum auðvitað viljað vera nær þessum efstu sætum í lokin, þá höfum við verið ad spila vel upp á síðkastið og verðum bara ad einbeita okkur að vinna það sem eftir er. Það hefur margt merkilegra gerst í fótbolta," segir Jón Jökull Hjartason, leikmaður 18. umferðar Lengjudeildarinnar.

Í dag verður 19. umferð deildarinnar leikin í heild sinni.

Leikir dagsins:
15:30 Þór-Afturelding (Þórsvöllur)
15:45 Keflavík-ÍBV (Nettóvöllurinn)
15:45 Vestri-Fram (Olísvöllurinn)
15:45 Grindavík-Víkingur Ó. (Grindavíkurvöllur)
17:00 Leiknir F.-Leiknir R. (Fjarðabyggðarhöllin)
18:00 Þróttur R.-Magni (Eimskipsvöllurinn)

Bestir í fyrri umferðum:
Bestur í 1. umferð: Fred Saraiva (Fram)
Bestur í 2. umferð: Bjarki Þór Viðarsson (Þór)
Bestur í 3. umferð: Sævar Atli Magnússon (Leiknir R.)
Bestur í 4. umferð: Andri Freyr Jónasson (Afturelding)
Bestur í 5. umferð: Sindri Kristinn Ólafsson (Keflavík)
Bestur í 6. umferð: Adam Ægir Pálsson (Keflavík)
Bestur í 7. umferð: Vuk Oskar Dimitrijevic (Leiknir R.)
Bestur í 8. umferð: Albert Hafsteinsson (Fram)
Bestur í 9. umferð: Harley Willard (Víkingur Ó.)
Bestur í 10. umferð: Aron Elí Sævarsson (Afturelding)
Bestur í 11. umferð: Joey Gibbs (Keflavík)
Bestur í 12. umferð: Joey Gibbs (Keflavík)
Bestur í 13. umferð: Oliver Heiðarsson (Þróttur R.)
Bestur í 14. umferð: Sævar Atli Magnússon (Leiknir R.)
Bestur í 16. umferð: Alexander Már Þorláksson (Fram)
Bestur í 17. umferð: Vladan Djogatovic (Grindavík)