West Ham er í viðræðum við Borussia Dortmund um kaup á sóknarmanninum Niclas Fullkrug.
Það er talið að hinn 31 árs gamli Fullkrug sé opinn fyrir því að ganga í raðir West Ham og það ætti ekki að vera neitt vandamál fyrir Lundúnafélagið að semja við hann um kaup og kjör.
Það er talið að hinn 31 árs gamli Fullkrug sé opinn fyrir því að ganga í raðir West Ham og það ætti ekki að vera neitt vandamál fyrir Lundúnafélagið að semja við hann um kaup og kjör.
Fullkrug á tvö ár eftir af samningi sínum við Dortmund en hann var keyptur til félagsins fyrir 15 milljónir evra síðasta sumar.
Fullkrug skoraði 15 mörk í 43 keppnisleikjum með Dortmund á síðustu leiktíð og var í kjölfarið valinn í þýska landsliðið fyrir EM. Þar var hann sterkur í því að koma inn af bekknum.
West Ham er að skoða aðra sóknarmenn eftir að félaginu mistókst að ná samkomulagi við Aston Villa um Jhon Duran. Samkomulag virtist vera í höfn þar, en svo breyttist það skyndilega.
Athugasemdir