Viktor Karl inn í liðið?
Kristinn Steindórsson meiddur.
Breiðablik mætir á morgun norður-makedónska liðinu Struga í leik sem hægt er að færa rök fyrir að sé stærsti leikur í sögu Breiðabliks. Ef Breiðablik vinnur eða gerir jafntefli fer liðið í riðlakeppni Sambandsdeildarinnar.
Liðið yrði með því fyrsta íslenska karlaliðið til að komast í riðlakeppni í Evrópukeppni.
Liðið yrði með því fyrsta íslenska karlaliðið til að komast í riðlakeppni í Evrópukeppni.
Breiðablik leiðir með einu marki eftir fyrri leikinn. Höskuldur Gunnlaugsson skoraði eina markið þegar liðin mættust síðasta fimmtudag.
Leikurinn á morgun hefst klukkan 16:45, fer fram á Kópavogsvelli og verður í beinni textalýsingu hér á Fótbolti.net.
Með því að komast í riðlakeppnina tryggir Breiðablik sér 492 milljónir.
Fótbolti.net spáir því að Óskar Hrafn Þorvaldsson geri eina breytingu á byrjunarliði sínu frá fyrri leiknum. Kristinn Steindórsson varð fyrir því óláni að rífa liðþófa í hné og verður ekki með í næstu tveimur leikjum hið minnsta. Við spáum því að Viktor Karl Einarsson taki stöðu Kristins í byrjunarliðinu.
„Það kemur enginn beint í staðinn fyrir Kidda Steindórs. Það eru mjög fáir leikmenn á Íslandi sem koma með það sama að borðinu og hann. Við þurfum að leysa það á annan hátt," sagði Óskar um Kidda í viðtali í dag. Viðtölin við Óskar, Höskuld og Damir má sjá hér að neðan.
Líklegt byrjunarlið:
Athugasemdir
