Mikil reiði er í fótboltaheiminum þar sem leikjaálag fer að verða ansi mikið.
Rodri hefur talað um að leikmenn fari mögulega í verkfall en breyting hefur orðið á fyrirkomulagi í Meistaradeildinni þar sem lið spila átta leiki í stað sex í deildakeppni.
Þá mun HM félagsliða fara fram í sumar en Jamie Carragher, sérfræðingur hjá CBS, hefur blandað sér í umræðuna.
„Ég er á móti því að búa til nýjar keppnir því það snýst bara um peninga. Þetta HM félagsliða í lok tímabilsins á að vera besta keppni í heimi en það vill enginn spila í henni. Það er enginn spenntur fyrir þessu. Það er ekki séns að þú sért með þessa keppni og segir við alla þessa topp leikmenn í heiminum að þeir fái sumarfrí á fjögurra ára fresti," sagði Carragher.
„Það er ekki séns. Það er komið fram við bestu leikmenn í heimi eins og þeir séu nautgripir. Félögin sem þeir spila fyrir eru líka að leyfa þessu að gerast."
