Valgeir Valgeirsson lék allan leikinn þegar Örebro vann Sandviken 1-0 í sænsku deildinni í kvöld.
Örebro reif sig upp úr fallsæti með þessum sigri en liðið er með 27 stig tveimur stigum frá fallsæti.
Adam Ingi Benediktsson var í markinu þegar Östersund tapaði 2-1 gegn Sundsvall. Östersund er með jafnmörg stig og Örebro en Sundsvall er í næst neðsta sæti með 24 stig.
Stefan Ljubicic kom inn á sem varamaður í hálfleik hjá Skövde þegar liðið gerði 2-2 jafntefli gegn Varberg en Oskar Sverrisson var ónotaður varamaður hjá Varberg. Skovde er á botninum með 21 stig en Varberg í 10. sæti með 27 stig. Þá vann Öster gegn Trelleborg 4-1 en Þorri Mar Þórisson leikmaður Öster er fjarverandi vegna meiðsla. Öster er í 3. sæti með 38 stig.
Hilmir Rafn Mikaelsson var ónotaður varamaður þegar Kristiansund tapaði 4-0 gegn Molde í efstu deild í Noregi. Kristiansund er í 10. sæti með 25 stig eftir 21 umferð. Þá var Kristian Nökkvi Hlynsson ekki í leikmannahópi Ajax þegar liðið vann Sittard 5-0 í hollensku deildinni. Ajax er með sex stig eftir þrjár umferðir. Þetta var þriðji leikurinn í röð sem Kristian kemur ekkert við sögu.
