Vincent Kompany.
Bayern München hefur farið fullkomlega af stað á nýju tímabili - og vann liðið meðal annars 9-2 sigur gegn Dinamo Zagreb í Meistaradeildinni - en það er samt sem áður að vakna efasemdir um nýjan stjóra liðsins.
Samkvæmt Kicker eru vandamál að myndast í klefanum en leikmenn liðsins eru sagðir hissa á stjórnunarháttum Kompany, og sérstaklega hvernig hann er í samskiptum.
Það er sagt í grein miðilsins að margir leikmenn hafi verið ósáttir fyrir leik gegn Holstein Kiel á dögunum þar sem Kompany lét menn vita um liðsval sitt í gegnum samskiptaforritið WhatsApp stuttu fyrir leik.
Skyndiákvarðanir og óvissa í kringum liðsval hafa valdið óróa innan leikmannahópsins.
Kompany er á sínu fyrsta tímabili með Bayern en hann tók óvænt við liðinu í sumar eftir að hafa fallið með Burnley úr ensku úrvalsdeildinni. Kompany er ungur þjálfari og á enn margt eftir ólært.
Athugasemdir
