Hilmar Þór Kárason leikmaður Kormáks/Hvatar var skiljanlega hundsvekktur eftir 7-1 tap gegn ÍH í úrslitaleik um sæti í 3. deild fyrr í kvöld.

Þetta er annað árið í röð sem félagið tapar úrslitaleik um að komast upp um deild.

„Þetta átti að vera árið sem við myndum ná þessu alla leið en þetta var bara of stór biti fyrir okkur í dag. Þetta var búið strax. Fyrstu þrjú skotin þeirra voru inni og þá er þetta bara erfitt, það er erfitt að lenda 3-0 undir eftir 15-20 mínútur," sagði Hilmar Þór við Fótbolta.net.

„Við færðum okkur framar en þá fengu þeir pláss til að hlaupa í. Þetta var alltof stór biti en við getum verið sáttir með sumarið. Við áttum ekki von á þessu."

Hilmar Þór skoraði 11 mörk í 10 leikjum í riðlakeppni 4. deildar.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit