,,Mér fannst við spila mjög vel í þessum leik. Við byrjuðum af krafti en fengum síðan á okkur klaufamark. Við byrjuðum síðari hálfleikinn af krafti og uppskárum eftir því,“ sagði Björn Daníel Sverrisson leikmaður FH ánægður eftir 4-1 sigur liðsins gegn Blikum í kvöld.
Björn Daníel skoraði fyrsta mark FH-inga í leiknum þegar hann skallaði í netið eftir hornspyrnu frá Viktori Erni Guðmundssyni.
,,Hann er með svo góðar spyrnur að ef maður er mættur í teiginn fær maður þetta á hausinn.“
,,Boltinn lenti á hausnum á mér í markteignum, við erum búnir að æfa fyrirgjafir mikið og þetta er að skila sér núna.“
Hér að ofan má sjá viðtalið í heild sinni.
