„Þú getur rétt ímyndað þér, tilfinningin er ekkert frábær," sagði Arnar Grétarsson þjálfari KA eftir 1-0 tap liðsins gegn KR á Akureyri í kvöld.
Lestu um leikinn: KA 0 - 1 KR
KA menn voru mun meira með boltann og sköpuðu sér helling af tækifærum í fyrri hálfleik en KR-ingar náðu að loka vel á þá í þeim síðari.
„Mér fannst við skapa okkur helling, við áttum 2-3 stangarskot, komumst trekk í trekk inn í teig og náum skoti. Við sköpuðum nóg til að skora 3-4 mörk en inn vildi boltinn ekki,"
KA vildi fá víti undir lok leiksins.
„Ég er ekki búinn að sjá það en mér skilst að einhver KRingur hafi sagt eftir leik að það hafi verið hægt að flauta á þetta í restina. Nökkvi talaði um að það hafi verið keyrt i hann og hann var lemstraður eftir það. Það er eins og það er, stundum falla hlutir með þér í dag féllu þeir með KR, það er partur af þessu, þetta er pirrandi, mér fannst við eiga meira skilið í dag."
Arnar fékk að líta rauða spjaldið undir lok leiksins fyrir mótmæli, hann vildi fá víti.
„Menn orðnir heitir og hlutirnir ekki að ganga. Getur vel verið að ég hafi stigið inná. Mér fannst þetta ansi harður dómur," sagði Arnar en hann vildi meina að Rúnar og þjálfarateymi KR hafi líka látið vel í sér heyra.
Viðtalið í heild sinni má sjá hér fyrir ofan.