„Tilfinningarnar eru súrar. Það er svekkelsi að vera í jöfnum leik og missa hann í restina," sagði Ólafur Kristjánsson, þjálfari Þróttar, eftir dramatískt tap gegn Íslandsmeisturum Vals á Hlíðarenda í kvöld.
Það var ekki mikill munur á liðunum í kvöld.
Það var ekki mikill munur á liðunum í kvöld.
Lestu um leikinn: Valur 1 - 0 Þróttur R.
„Ég held að við séum á sama máli. Það var mjög þétt barist. Við spiluðum við þær fyrir þremur dögum síðan og það var líka mjög jafn leikur þó lokatölurnar hafi gefið annað til kynna. Þegar spilað er með svona stuttu millibili þá vita menn ansi mikið um andstæðinginn. Þetta var stál í stál."
Þróttur vildi fá vítaspyrnu í fyrri hálfleik. „Þaðan sem ég stóð fannst mér boltinn fara í höndina á Valsmanninum. Þegar ég - á tiltölulega prúðan hátt - spurði fjórða dómarann út í hvað veldur því að dómarinn dæmir ekki þá tjáði hann mér það að færið hefði verið fullstutt. Það staðfesti fyrir mér að fleiri en ég sáu að hann fór í höndina. Þetta er fúlt í svona jöfnum leik, en það getur vel verið að þetta hafi verið hárrétt hjá dómaranum."
„Mér fannst við eiga meira skilið en að fara héðan með núll stig. Þetta var leikur sem var að stefna í jafntefli og ég hefði sætt mig við það. Þess vegna er drullufúlt að sofna á verðinum áður en þú ert búinn að ná landi."
Hægt er að sjá allt viðtalið í spilaranum hér að ofan þar sem Óli ræðir um eitt og annað.
Athugasemdir