Rúnar Páll
„Við skorum tvö góð mörk og héldum markinu hreinu. Aftureldingarliðið er skemmtilegt lið og vel spilandi. Við vörðumst vel. Við vorum þolinmóðir og sýndum aga og skipulag. Við sigldum þessu bara heim” Segir Rúnar Páll Sigmundsson eftir 2-0 sigur sinna manna í Fylki á Aftureldingu í kvöld.
Lestu um leikinn: Afturelding 0 - 2 Fylkir
„Þetta var hrikalega flott. Vinnuseminn var góð og þetta krefst þess að hausinn sé rétt stilltur. Þegar maður er kominn upp getur maður misstigið sig og haldið að þetta sé einfalt. Það var kraftur í okkur. Við ætlum að klára næstu helgi Þrótt Vogum heima og vinna þennan titil”.
Benedikt Daríus Garðarsson skoraði bæði mörkin í dag en hann hefur átt gott tímabil eftir að hafa spilað með Elliða í 3. Deildinni í fyrra.
„Hann er frábær strákur og duglegur. Hann er með frábæran skotfót og er eins og margir í liðinu. Bràðefnilegur og flottur strákur.”
Fylkir hefði getað tryggt sér efsta sætið ef önnur úrslit væru hagstæð en það þarf að bíða í bili.
„Það er bara fínt að klára það heima í næstu umferð. Við erum með góðan leik til að klára það og er hausinn er í lagi þá getum við fengið góða skemmtun næstu helgi.”
Viðtalið er í heild sinni hér að ofan.
Athugasemdir
