„Við höfum aldrei komið hingað og fengið eitt né neitt, við vissum að þetta yrði erfiður leikur. Við vorum tilbúnir og klárir í leikinn. Þrátt fyrir mark sem við fáum í bakið snemma, maður veit aldrei en ég hafði ekki áhyggjur. Mér fannst við vera þannig stilltir að við myndum koma okkur inn í leikinn aftur," sagði Brynjar Björn Gunnarsson, þjálfari HK, eftir sigur gegn FH á Kaplakrikavelli.
Lestu um leikinn: FH 2 - 4 HK
„Þetta var mjög sterkt sálrænt að koma til baka. Við héldum áfram og létum það ekki á okkur fá. Það hefur verið mantran okkar síðustu vikur að við þurfum bara að halda áfram. Við erum búnir að tapa leiki sem við teljum okkur eiga hafa fengi meira úr. Við erum búnir að spila á köflum vel en ekki fengið neitt fyrir það. Nú spilum við frábæran leik og fáum þrjú stig."
Var þetta besti leikur HK í sumar?
„Já, bæði spilamennska og fáum úrslit fyrir það, kannski heilsteyptasta frammistaðan. Þrátt fyrir tvö mörk á okkur var FH ekki að skapa mikið. Færasköpunin og færanýtingin hjá okkur var klárlega mjög góð í dag."
Hvað fannst þér vera lykilinn að þessari færasköpun í leiknum?
„Það er allt í bland, vinnslan inn á miðjunni, við fórum frá vinstri til hægri þegar við gátum það og sköpuðum okkur tíma út á köntunum. Það var góð hreyfing og samspil milli kantmanna og bakvarða. Að sama skapi var hreyfingin inn í teig mjög góð," sagði Brynjar.
Viðtalið í heild má sjá í spilaranum að ofan
Athugasemdir