Rúnar hefur komið víða við á ferlinum en hann er uppalinn á Sauðákróki áður en hann fluttist á höfuðborgarsvæðið og fór að spila fyrir HK.

Þaðan lá leiðin yfir í Val en síðustu níu ár hefur hann spilað í atvinnumennsku fyrir félög á borð við PEC Zwolle, Sundsvall, Grasshoppers, St. Gallen, Astana og nú síðast Cluj.

Hann á 32 landsleiki fyrir Íslands hönd en hefur ekki spilað fyrir landsliðið síðan í mars á síðasta ári. Hann var upphaflega valinn í verkefnið í september en dró sig síðar úr hópnum.

Morgunblaðið greindi þá frá því að hann væri á blaði í tölvupósti sem aðgerðarhópurinn Öfgar sendi vegna meintra ofbeldis- og kynferðisbrota.

Rúnar heldur sér í formi með því æfa með ÍA á meðan hann leitar sér að félagi erlendis en það stendur ekki til að semja við hann.

„Rúnar Már er búsettur hér á Akranesi og konan hans er frá Akranesi. Þau eru að byggja sér hús hérna á Skaganum þannig hann fékk að æfa með okkur og halda sér í formi og koma sér af stað aftur en hann er að leita fyrir sér úti. Frábært fyrir okkur og hans nærvera er sterk fyrir okkur."

„Rúnar er að leita fyrir sér erlendis þannig held að það sé ekki á borðinu," sagði Jón Þór Hauksson, þjálfari ÍA, við Fótbolta.net í kvöld.