Lið og leikmaður 12. umferðar - Afturelding að stinga af

Magnús Már Einarsson er þjálfari umferðarinnar í fjórða sinn en Afturelding var fyrst liða til að vinna Þórsara fyrir norðan í sumar. Elmar Kári Enesson Cogic var valinn maður leiksins en hann skoraði fyrra mark Aftureldingar. Gunnar Bergmann Sigmarsson var eins og klettur í vörn liðsins.

Fjölnir fékk á sig jöfnunarmark í lokin gegn Þrótti, 2-2 urðu lokatölur. Maður leiksins var Aron Snær Ingason sem skoraði fyrra mark Þróttar og var allt í öllu í sóknarleik liðsins.

Sigurganga ÍA var stöðvuð þegar Vestri kom í heimsókn á Akranes. 1-1 urðu lokatölur. Nacho Gil miðjumaður Vestra var valinn maður leiksins og þá var Hlynur Sævar Jónsson öflugur í vörn ÍA og skoraði svo jöfnunarmark leiksins.

Grótta vann 2-0 sigur gegn Grindavík. Ungstirnið Tómas Jóhannessen var frábær í leiknum og skoraði fyrra markið. Rafal Stefán Daníelsson var flottur í marki Gróttu og hélt hreinu.

Hrovje Tokic bjó sífellt til vandræði fyrir vörn Njarðvíkur og skoraði sigurmarkið þegar Ægir vann feikilega mikilvægan sigur í fallbaráttuslag í Þorlákshöfn. Vörn Ægis var frábær og Baldvin Þór Berndsen átti geggjaðan leik.

Lið umferðarinnar:
9. umferð - Elmar Kári Cogic (Afturelding)
8. umferð - Símon Logi Thasapong (Grindavík)
7. umferð - Arnór Gauti Ragnarsson (Afturelding)
6. umferð - Aron Elí Sævarsson (Afturelding)
5. umferð - Sigurjón Daði Harðarson (Fjölnir)
4. umferð - Axel Freyr Harðarson (Fjölnir)
3. umferð - Sam Hewson (Þróttur)
2. umferð - Valdimar Jóhannsson (Selfoss)
1. umferð - Guðjón Pétur Lýðsson (Grindavík)