Barbára Sól Gísladóttir, bakvörður Selfoss, og Sveindís Jane Jónsdóttir, framherji Breiðabliks, eru nýliðar í íslenska landsliðshópnum sem mætir Lettum á morgun. Báðar hafa þeir leikið vel í Pepsi Max-deildinni í sumar.
Sara Björk Gunnarsdóttir, landsliðsfyrirliði, fagnar því að fá unga leikmenn inn í hópinn.
Sara Björk Gunnarsdóttir, landsliðsfyrirliði, fagnar því að fá unga leikmenn inn í hópinn.
„Stelpurnar líta vel út og hafa staðið sig vel heima í deildinni. Hópurinn lítur ótrúlega vel út. Það er gaman að sjá þessar ungu stelpur koma inn og þær er fullar sjálfstraust og vilja spila," sagði Sara á fréttamannafundi í dag.
„Ég er ótrúlega spennt að sjá þær á morgun. Það er ótrúlega jákvætt að fá þessar ungu stelpur inn. Við þurfum á þeim að halda."
Ísland mætir Lettlandi á Laugardalsvelli klukkan 18:45 á morgun áður en liðið spilar gegn Svíum í toppslag á þriðjudaginn.
Athugasemdir