„Tilfinningin er bara ótrúleg. Maður er einhvern veginn ekki að átta sig á þessu," sagði Einar Guðnason, aðstoðarþjálfari Víkinga, eftir 3-0 sigur á ÍA í úrslitaleik Mjólkurbikarsins í kvöld.
Lestu um leikinn: ÍA 0 - 3 Víkingur R.
Víkingar eru tvöfaldir meistarar 2021. Þeir urðu Íslandsmeistarar á dögunum og í dag tryggðu þeir sér bikarmeistaratitilinn.
„Mér fannst við vera með stjórn á leiknum allan tímann. Maður vissi samt að þeir væru hættulegir og við máttum ekki slaka á í eina sekúndu. Við gerðum þetta fagmannlega."
Einar er fluttur til Svíþjóðar og er hættur sem aðstoðarþjálfari liðsins. Leikurinn í dag var hans síðasti hjá félaginu í bili.
„Þetta gæti ekki verið betra. Maður er búinn að upplifa svo margt með þessu félagi. Að kveðja sem tvöfaldur meistari - að vera hluti af þjálfarateyminu í langbesta liðinu á Íslandi - maður gat ekki hugsað sér betri endi."
Hægt er að skoða allt viðtalið hér að ofan.
Athugasemdir