„Við vorum slegnir út af laginu í byrjun. Fylkir voru verulega sterkir og komu okkur í vandræði. Hrós á góðan leik hjá þeim. Það er erfitt að vinna leiki þegar maður fær á sig þrjú mörk eftir hornspyrnur. Við komum okkur í erfiðar stöður í kvöld." Segir Einar Jóhannes Finnbogason aðstoðarþjálfari Fjölnis eftir 5-2 tap sinna manna gegn Fylki í Lengjudeildinni í kvöld. Einar stjórnaði liðinu í fjarveru Úlfs Arnars Jökulssonar sem tók út leikbann.
Lestu um leikinn: Fylkir 5 - 2 Fjölnir
Fjölnir byrjaði mótið á tveimur sigrum og fékk síðan skell hér. Aðspurður hvort það væri erfitt að fá skell í kvöld hafði Einar þetta að segja: „Nei ekkert þannig. Við áttum bara slæman leik í dag og eigum annan leik í næstu viku þar sem við leiðréttum þetta."
„Fyrir næsta leik sem er gegn Kórdrengjum þurfum við að drilla varnarleikinn og skoða hornspyrnur betur. Í rauninni er þetta bara stundum svona í fótboltaleikjum að þegar einn hlutur gengur illa fylgja fleiri í kjölfarið en við erum nýbunir að spila æfingaleik við Kórdrengi og vitum að þeir eru hörkulið og við mætum með okkur venjulega gameplan og eigum betri dag þá."
„Markmið Fjölnis í sumar er að koma inn í alla leiki til þess að vinna þá. Við mættum í dag til þess að vinna og munum líka að gera það í næstu viku."
Viðtalið er í heild sinni hér að ofan.
Athugasemdir
