„Okker líður ekkert vel, þetta var ekki góður leikur hjá okkur. Leiknir var bara betri og átti skilið sigur. Ég óska þeim til hamingju með það en við áttum mjög slakan dag í dag," sagði Þorvaldur Örlygsson, þjálfari Stjörnunnar, eftir tap gegn Leikni í kvöld.
Lestu um leikinn: Leiknir R. 2 - 0 Stjarnan
„Það gekk voðalega lítið upp hjá okkur í fyrri hálfleik og við vorum strax að elta leikinn eftir að fá á okkur klaufalega mörk. Það hefur kannski verið okkar saga, oft erfitt að koma sér í gang eftir að lenda 2-0 undir. Við sýndum aðeins skárra andlit í seinni hálfleik og náðum betra spila án þess að ógna nógu mikið og fá nógu góð færi."
„Eins og ég sagði, þetta var ekki okkar dagur í dag, langt í frá og Leiknir bara betri aðilinn."
Stjörnumenn voru að koma frá Írlandi aðfaranótt föstudags eftir leik gegn Bohemians. Fannst Todda hans menn vera þreyttir?
„Ég held að það sé ekki afsökun í því, oft eftir Evróputörn fara lið eitthvað niður. Ég ætla ekki að segja neitt um það. Við vorum ekki nógu góðir í dag, það er bara ósköp einfalt."
Hvað þarftu að gera til að ná mönnum í allt annan gír fyri næsta leik?
„Við skulum sjá til, það er þriðjudagur á morgun og við skoðum það mál í fyrramálið. Ég ræði ekki um það við þig núna," sagði Toddi að lokum.
Athugasemdir
