Rúnar Kristinsson þjálfari Fram

Mynd: Fótbolti.net - Hafliði Breiðfjörð

„Þetta var mjög sárt á síðustu sekúndu úr aukaspyrnu sem að ég veit ekki hvort að var aukaspyrna. Þetta var bara súrt og mér fannst við vera betra liðið allan leikinn." Sagði Rúnar Kristinsson þjálfari Fram svekktur eftir tapið í kvöld.

„Við hefðum kannski getað skapað aðeins meira af færum. Mér fannst við allavega reyna að spila fótbolta með jörðinni og reyna að búa til góðar sóknir." 

„Ég er ánægður með strákana hvað þeir lögðu á sig. Mikill karakter í liðinu og bara erfiður leikur gegn liði sem er 'physical' og spilar mikið af löngum boltum upp á stóra sentera og það er erfitt að verjast því. Þeir gerðu það bara vel en kannski ósanngjarnt að tapa þessu á þennan hátt." 

Stuttu fyrir sigurmark HK voru Fram allt annað en sáttir með að hafa ekki fengið boltann aftur frá HK eftir að hafa sparkað honum útaf til að huga að Guðmundi Magnússyni. 

„Við erum bara að reyna vera heiðarlegir í fótbolta og í þessu tilfelli þá ákveða þeir bara að spila honum ekki til baka og við spyrjum þjálfarateymið þeirra 'bíddu eruði ekki að grínast? Ætliði ekki að láta okkur fá hann til baka?' og þeir 'nei, við ætlum ekki að gera það' og héldu svo bara áfram að spila honum." 

„Þeir geta reynt að útskýra það og afsaka á hvaða hátt sem er. Þetta er bara mjög dapurt og þeir viðurkenndu það ekki einusinni eftir leikinn að þeir hefðu átt að láta okkur fá boltann. Þeir voru að reyna finna afsakanir fyrir því allir og úr varð eitthvað havarí þarna strax eftir leikinn, slagsmál og læti. Eitthvað af spjöldum á loft en þetta er bara ofboðslega dapurt og lélegt." 

Nánar er rætt við Rúnar Kristinsson í spilaranum hér fyrir ofan.