Það var þungt yfir Sigga Höskulds þjálfara Leiknismanna eftir 1-4 tap gegn ÍBV á heimavelli en liðin mættust á Domus-Nova vellinum í 14. umferð Bestu deildar karla.
"Þessi fyrri hálfleikur var bara til skammar, smá kraftur í okkur í byrjun seinni hálfleiks en ekki nægilega mikill og Leiknisliðið bara langt frá sínu sterkasta í dag og við erum svo sannarlega ekki ánægðir með það" Sagði Siggi Höskulds í viðtali við Fótbolta.net eftir leikinn.
"Þessi fyrri hálfleikur var bara til skammar, smá kraftur í okkur í byrjun seinni hálfleiks en ekki nægilega mikill og Leiknisliðið bara langt frá sínu sterkasta í dag og við erum svo sannarlega ekki ánægðir með það" Sagði Siggi Höskulds í viðtali við Fótbolta.net eftir leikinn.
Lestu um leikinn: Leiknir R. 1 - 4 ÍBV
Siggi gerði fjórfalda breytingu í hálfleik eftir slæman fyrri hálfleik, hefði Siggi viljað gera sjöfalda breytingu ef það væri í boði?
"Jájá auðvitað, fyrri hálfleikurinn var ekki góður en þessir sem komu inn gerðu vel. Þessir sem ég tók út voru ekkert verstir við þurftum bara að gera eitthvað og hrista upp í þessu, gekk svona ágætlega en í grunninn hafi þessi fyrri hálfleikur bara gert út um þetta fyrir okkur"
Í síðustu tveimur leikjum hefur Leiknisliðið leikið á heimavelli og er markatalan 1-9, hvað hefur Siggi að segja um það?
"Það er gjörsamlega óboðlegt og við erum bara virkilega óánægðir með þessar tvær frammistöður og við þurfum heldur betur að rífa okkur upp eftir þetta því þetta eru líklega tvær verstu frammistöður liðsins síðan að ég tók við og það er mikið áhyggjuefni"
"Ég hef virkilega miklar áhyggjur [af spilamennsku liðsins], eftir leikinn í síðustu viku á móti KA, að koma ekki sterkari til leiks í dag og sýna betri frammistöðu en þessi fyrri hálfleikur þá hef ég bara virkilega miklar áhyggjur af spilamennsku liðsins"
Viðtalið má sjá í heild sinni hér fyrir ofan en þar talar Siggi um meiðsli Bjarka Aðalsteins, fyrirliða sem og leikmannamálin hjá Leikni.
Athugasemdir
