Selfoss vann Fótbolti.net bikarinn eftir sigur á KFA í úrslitum á Laugardalsvelli í kvöld. Gonzalo Zamorano skoraði þriðja mark Selfoss en hann mætti í viðtal eftir leik.
Lestu um leikinn: Selfoss 3 - 1 KFA
„Þetta er ótrúleg tilfinning, besta leiðin til að enda tímabilið.
Eftir að hafa fallið í fyrra, þar sem við vorum óheppnir og ekki nægilega góðir. Breyttum við hugarfarinu og erum með hugarfar sigurvegara núna."
Selfoss unnu 2. deildina og nú Fótbolti.net bikarinn.
„Tímabilið fær tíu í einkunn frá mér. Við getum ekki beðið um meira. Við vorum nánast bara í tveimur keppnum, erfitt að reyna vinna Mjólkurbikarinn. Þetta var geggjað fyrir okkur og klúbbinn."
Gonzalo fagnaði með að gera P með höndunum.
„Þetta var fyrir kærustuna mína, heitir Patri. Ég átti erfitt tímabil í fyrra vegna meiðsla en hún stóð þétt við bakið á mér.
Þetta er besta tímabilið mitt á Íslandi að mínu mati."
Viðtalið má sjá í heild sinni í spilaranum hér að ofan.
