„Hún er helvíti góð. Við byrjuðum ekkert svakalega vel en gerðum ákveðnar breytingar í seinni hálfleik sem að og þá gengum við frá leiknum svona nokkuð þægilega fannst mér.“ Sagði Frans Elvarsson fyrirliði Keflavíkur um tilfinninguna eftir 3-1 sigur Keflavíkur á ÍBV á Nettóvellinum í dag.
Lestu um leikinn: Keflavík 3 - 1 ÍBV
Keflvíkingar náðu sér ekki á strik í fyrri hálfleik og gekk illa að halda boltanum á köflum ásamt því að sendingar voru ekki að skila sér rétta leið.
„Það var ein sending sem fór frekar illa útaf hjá mér. En við lögðum áherslu á ákveðin atriði sem við löguðum og gerðum ákveðnar breytingar sem að skiluðu okkur þessum þremur stigum.“
Keflavík missti mann af velli þegar Ari Steinn Guðmundsson fékk sitt annað gula spjald og þar með rautt á 78.mínútu. Það virtist þó lítil áhrif hafa á Keflavíkurliðið sem spilaði af yfirvegun og aga og sigldi 3 stigum í hús.
„Þetta var í rauninni þægilegt eftir að við misstum mann af velli. Við fórum niður í skotgrafirnar og héldum bara út.“
Frans var meðal markaskorara í dag en hann gerði þriðja og síðasta mark Keflavíkur úr vítaspyrnu á 64. mínútu leiksins. Joey Gibbs hafði fyrr í leiknum misotað vítaspyrnu og því klúðrar tveimur vítaspyrnum í röð. Fær Gibbs nokkuð að taka fleiri víti?
„Jú jú hann tekur vítin í næsta leik.“
Sagði glaðbeittur Frans að lokum en allt viðtalið má sjá hér að ofan.
Athugasemdir