Sigurður Heiðar Höskuldsson, þjálfari Þór, var að leikslokum nokkuð sáttur með stigið eftir að Þór gerði 1-1 jafntefli við ÍR í 10. umferð Lengjudeild karla í dag.
Lestu um leikinn: ÍR 1 - 1 Þór
„Ég held að það sé bara sanngjörn niðurstaða. Mér fannst við sterkari í fyrri hálfleik það var aðeins minni vindur heldur en í seinni hálfleik. Svo einhvern veginn í seinni hálfleik þá verður bara vindurinn það mikill og erfiðar aðstæður að við þurfum að liggja soldið lágt og mér fannst þessi leikur mjög nálægt því að ráðast því á einhverjum að renna eða boltinn að detta í gegn eða svoleiðis.“
Þór kemst yfir snemma leiks eftir laglegt mark frá Fannari Daða.
„Trend sem við viljum að sé meira í leiknum okkar, að við séum að komast yfir í leikjunum. Gerðum það í síðasta leik og í þessum. Mér fannst við fá stöður og tækifæri til þess að vera með meira forskot í hálfleik. Þannig pínu svekktur að hafa ekki náð að bæta við.“
Egill Orri Arnarsson var utan hóps í dag þar sem félagsskipti hans til danska úrvalsdeildarfélagsins Midtjylland ganga í gegn á morgun. Siggi sagði að það væri mikill missir.
„Já bara mikill en spenningur líka fyrir því hvernig þetta mun lukkast hjá honum úti. Ég er nokkuð viss um að það muni gera það.“
Elfar Árni Aðalsteinsson, leikmaður KA, hefur verið orðaður frá félaginu að undanförnu.
„Ég hef bara aldrei rætt við Elfar Árna. Á Akureyri er bara verið að ræða hans stöðu og ég svona á ekkert frekar von á því að hann komi í Þór.“
Viðtalið má sjá í heild sinni í spilaranum hér að ofan.
