![Icelandair](/images/icelandair2_150x150px.png)
„Ég er drullusvekkt, það er pirrandi að hafa ekki náð að nýta meðbyrinn sem við vorum með í leiknum og bæta við fleiri mörkum. Það er svekkjandi að þetta ráðist á tveimur vítum," sagði Fanney Inga Birkisdóttir landsliðsmarkvörður Íslands við Fótbolta.net eftir 1-1 jafntefli við Austurríki ytra í dag.
Lestu um leikinn: Austurríki 1 - 1 Ísland
Fanney var nálægt því að verja víti Austurríkis, fór í rétt horn en skotið var of fast.
„Ég var búin að fara yfir þeirra spyrnumenn fyrir leik og sá ákveðna hluti sem hún gerði. Ég er svekkt að hafa ekki tekið hann," sagði hún en hversu nálægt var hún því að verja? „Fulllangt frá því fyrir minn smekk," sagði Fanney.
„Óli markmannsþjálfari var búinn að senda mér klippur og það var frekar auðvelt að lesa í hana eftir þær."
Ísland fékk mörg færi í leiknum í dag en inn vildi boltinn ekki fyrir utan vítið sem við fengum. „Við erum oftast mjög klínískar fyrir framan markið og það var pirrandi að það datt ekki með okkur í dag. Við nýtum sénsinn að fá að mæta þeim aftur á þriðjudaginn og hömrum þær á heimavelli. Það verður gaman að fara yfir þennan leik og læra af honum og finna veikleika hjá þeim sem við getum nýtt okkur."
Nánar er rætt við hana í spilaranum að ofan.
Athugasemdir