,,Þegar að lið fellur þá verður ákveðin spennulosun í hópnum og menn geta látið til sín taka á fótboltavellinum spilalega og það er svo sannarlega til staðar í þessum hóp," sagði Bjarnólfur Lárusson þjálfari Víkings R. eftir flottan 6-2 sigur liðsins gegn Breiðabliki á útivelli í kvöld.
Lestu um leikinn: Breiðablik 2 - 6 Víkingur R.
,,Þetta býr í hópnum þegar menn eru 100% og klárir. Það er gott að þeir gta sýnt það því að þeir eiga það skilið. Það er mikilvægt fyrir okkur að klára tímabilið á svona nótum."
Colin Marshall og Egill Atlason munu ekki leika fleiri leiki með Víkingi undir stjórn Bjarnólfs eins og kom fram um helgina.
,,Við erum að rífa í handbremsuna með agamálin. Það var skýrt frá minni hendi að boða alla leikmenn í Valsleikinn. Ég spurði á æfingu daginn fyrir leik hverjir væru fit og það voru þrír sem ætluðu að kíkja á sjúkraþjálfara en Egill var ekki einn þeirra. Hann mætti svo ekki þegar hann á að vera hóp. Þegar maður er þjálfari og ætlar að sýna einhvern aga þá verður maður líka að sýna staðfestu þegar kemur að agabrotum og það er ég svo sannarlega að geta."
Colin Marshall var tekinn af velli eftir 20 mínútur gegn Víkingi og það voru síðustu mínútur hans í sumar.
,,Ég hef ekki verið ánægður með karakter og vinnusemi hans undanfarnar vikur. Ég lét hann vita af því á fundi fyrir viku síðan. Síðan þekkja allir hvað gerist í Valsleiknum. Hann var ekki að róa í sömu átt og við hinir."
Hér að ofan má sjá viðtalið í heild sinni en þar tjáir Bjarnólfur sig meðal annarrs um þá ákvörðun sína að hætta með liðið eftir tímabilið.
