Lestu um leikinn: FH 2 -  3 Stjarnan

„Mér fannst við byrja vel, vörðumst vel eftir fyrsta markið og vorum að verjast vel gegn föstu leikatriðunum þeirra sem við vitum að er þeirra ógn. Fáum svo á okkur svekkjandi mark og förum því miður inn í hálfleikinn með jafna stöðu. Við byrjum seinni hálfleikinn vel en töpum því miður á endanum"

Robbie fékk gult spjald fyrir dýfu sem leit hreinlega út fyrir að vera vítaspyrna og sagði hann að þetta hefði klárlega átt að vera vítaspyrna.

„Mér fannst þetta klárlega víti, ég hef aldrei dýft mér áður og ég fann snertingu, hann var seinn og ég var búinn að koma boltanum framhjá honum og hafði enga ástæðu til að henda mér niður. Ég vona að dómarinn horfi á þetta aftur og sjái að þetta var röng ákvörðun en ég get ekki breytt þessu núna."

FH er núna 8 stigum frá toppsætinu en Robbie segir liðið nógu gott til að geta náð því og hefur trú á að þeir séu enn með í baráttunni.

„Við værum augljóslega til í að vera nær þessu en við höfum trú á að við séum enn með í baráttunni. Við erum með nógu mikla reynslu og getu í liðinu til að minnka bilið og vonast til þess að liðin fyrir ofan okkur tapi stigum. Þetta er erfitt núna en við komum sterkir tilbaka."