Pickford framlengir við Everton - Barcelona hyggst kaupa Rashford - Ekki framlengt við Lewandowski
„Vonandi að fólk sjái að maður geti spilað gegn svona leikmönnum“
Ógeðslega erfitt að horfa frá bekknum - „Fannst ég ná að stríða og djöflast í þeim“
Sverrir Ingi um baráttuna við Mateta - „Ógnarsterkur náungi“
Daníel Tristan: Það er miklu erfiðara finnst mér
Stærsta augnablikið á ferlinum til þessa - „Það voru allir trylltir"
Hákon Arnar: Verður áhugavert hvað menn segja núna
Ísak: Höfðum getað vorkennt sjálfum okkur og haldið að þetta væri búið
Elías notaði orð sem Arnar elskar - „Verður líka að kunna það"
Daníel Leó: Þú verður ekki þreyttur þegar það er þannig
Líður vel í Stockport - „Draumur frá því að maður var lítill“
„Aftur sami Eggert Aron sem að fólk þekkir“
Ólafur horfir enn á 2. sæti riðilsins - „Verðum hreinlega að fá þrjú stig“
Bergdís Sveins: Ætlum að koma geggjaðar inn í næsta tímabil
Óli Kristjáns: Vitum alveg hvernig þetta er búið að vera
Einar Guðna: Við þurfum að vinna næsta leik bara 3-2, þá er ég sáttur
Kom liðinu sínu í Meistaradeildina - „Ég er himinn lifandi, vá!”
Jóhannes Karl: Þurfum sigur á móti Víking
Sverrir Ingi: Ótrúleg niðurstaða miðað við leikmyndina
Ísak Bergmann: Það er bara óheyrt
Hákon Arnar þungur: Þetta er okkur að kenna
   mán 02. september 2024 15:44
Sæbjörn Þór Þórbergsson Steinke
Toddi: Þetta mun breyta öllu
Formaðurinn kátur í dag.
Formaðurinn kátur í dag.
Mynd: Fótbolti.net - Hafliði Breiðfjörð
Starfshópur Laugardalsvallar.
Starfshópur Laugardalsvallar.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Þorvaldur Örlygsson, formaður KSÍ, ræddi við Fótbolta.net í dag eftir að tilkynnt var um framkvæmdir á Laugardalsvelli. Leggja á nýtt undirlag á völlinn og vinna á að hefjast síðar á árinu.

Setja á hybrid gras, blöndu af grasi og gervigrasi, og það á að stuðla að því að völlurinn verði nothæfur nánast allt árið um kring. Það hefur verið vandamál í lengri tím að ekki hefur verið hægt að spila landsleiki á Íslandi bæði snemma og seint á árinu, en það vandamál verður vonandi úr sögunni með nýju undirlagi.

„Þetta er ánægjulegur dagur, ánægjulegur dagur fyrir knattspyrnusambandið og alla hreyfinguna. Við erum búin að bíða lengi eftir að koma af stað breytingum og þetta er fyrsta skrefið í að gera völlinn betri og betri ásýnd á völlinn til lengri tíma."

„Þetta mun breyta öllu, vonandi getum við hafist handa núna í haust, horft fram á veginn, og í kjölfarið haldið áfram í viðræðum við ríki og borg um hvernig framhaldið verður og gert hér fallegan völl, á réttu verði, sem allir geta verið stoltir af. Við höfum átt mjög gott samtal við ?iki og borg. Ásmundur, barna- og menntamálaráðherra, hefur verið mjög hjálplegur í okkar viðræðum. Það má segja að þetta hafi farið af stað þegar ég átti samtal við hann á þriðjudegi eftir kosningar (KSÍ í vetur). Við höfum haldið þessu áfram og Freyr, formaður frjálsíþrottasambandsins, er líka stór hluti af því að við komumst að samkomulagi,"
segir formaðurinn.

Toddi, eins og formaðurinn er nánast alltaf kallaður, vonast til að framkvæmdir geti hafist á vellinum eftir að búið verður að spila heimaleiki landsliðsins í október.

Toddi var spurður hvort það sé ennþá von um að það rísi nýr þjóðaleikvangur.

„Eins og staðan er í dag þá er þjóðarleikvangur Íslands hér í Laugardalnum og hefur verið í mörg ár. Hann verður hér áfram þangað til einhver annar finnur (annað) svæði eða kemur með aðrar hugmyndir um það. Eftir að hafa rætt við alla aðila, þá höfum við komið með skynsamlega og góða hugmynd til langs tíma um hvernig við ætlum að byggja upp þennan völl."

Þannig að það er ekki planið að rífa þennan völl og byggja nýjan?

„Nei, ekki rífa hann, en það verða endurbætur. Við munum skoða klefamál og stúkumál," segir Toddi en byrjað verður á sjálfu grasinu.

Eru vonbrigði að fá ekki nýjan völl?

„Ég tel þetta bestu lausnina, hér er gott að vera. Ég hef góða reynslu af því að vera í Laugardalnum, fyrst sem leikmaður og svo sem áhorfandi. Þetta er fallegur staður og af hverju ekki að vera hér?" segir Toddi sem segir að vonandi verði hægt að bæta aðstöðu áhorfenda í framtíðinni.

„Við erum að fara í framkvæmdir til lengri tíma," segir Toddi.

Viðtalið í heild sinni má sjá í spilaranum efst.
Athugasemdir
banner