Olga áfram hjá ÍBV (Staðfest)
Mynd: Fótbolti.net - Jónína Guðjörg Guðbjartsdóttir
Mynd: Fótbolti.net - Jónína Guðjörg Guðbjartsdóttir
Lettneska fótboltakonan Olga Sevcova hefur framlengt við ÍBV út næsta tímabil en frá þessu er greint á ÍBVSport í dag.
Olga hefur farið mikinn á fimm árum sínum í Eyjaliðinu og náð að tengjast Eyjunni og félaginu sterkum böndum.
Hún kom til félagsins árið 2020 og skoraði þá þrjú mörk í fimmtán deildarleikjum, en síðustu ár hefur hún reynst liðinu ótrúlega mikilvæg.
Í sumar hefur hún raðað inn mörkunum í Lengjudeildinni og átt stóran þátt í að liðið vann deildina og tryggði sér sæti aftur upp í Bestu deildina. Olga, sem er 33 ára gömul, hefur skorað 14 mörk og komið að tíu öðrum á tímabilinu.
Alls hefur hún skorað 49 mörk í deild- og bikar á þessum fimm árum.
Nú er staðfest að Olga mun taka slaginn með ÍBV í Bestu deildinni á næstu leiktíð sem verður að teljast fagnaðarefni fyrir Eyjaliðið.
Hún verður væntanlega í eldlínunni á morgun er ÍBV heimsækir Fylki í lokaumferð Lengjudeildarinnar.
Hún kom til félagsins árið 2020 og skoraði þá þrjú mörk í fimmtán deildarleikjum, en síðustu ár hefur hún reynst liðinu ótrúlega mikilvæg.
Í sumar hefur hún raðað inn mörkunum í Lengjudeildinni og átt stóran þátt í að liðið vann deildina og tryggði sér sæti aftur upp í Bestu deildina. Olga, sem er 33 ára gömul, hefur skorað 14 mörk og komið að tíu öðrum á tímabilinu.
Alls hefur hún skorað 49 mörk í deild- og bikar á þessum fimm árum.
Nú er staðfest að Olga mun taka slaginn með ÍBV í Bestu deildinni á næstu leiktíð sem verður að teljast fagnaðarefni fyrir Eyjaliðið.
Hún verður væntanlega í eldlínunni á morgun er ÍBV heimsækir Fylki í lokaumferð Lengjudeildarinnar.
