André Onana, markvörður Manchester United, gæti verið á förum frá félaginu á næstu dögum.
Man Utd keypti belgíska markvörðinn Senne Lammens frá Antwerp á lokadegi gluggans og er honum ætlað að taka markvarðarstöðuna hjá liðinu.
Það eru slæmar fréttir fyrir Onana sem hefur ekki spilað deildarleik með United á tímabilinu. Hann spilaði hins vegar leik liðsins gegn Grimsby í deildabikarnum þar sem hann leit ekkert sérstaklega vel út og var einn af slökustu leikmönnum vallarins er United datt óvænt úr leik.
Tyrkneski blaðamaðurinn Hasan Tuncel, sem sérhæfir sig í fréttum um Trabzonspor, segir að félagið hafi sent Man Utd lánstilboð í Onana.
Félagið er að vega og meta tilboðið, en tyrkneski glugginn er opinn til 8. september og því nægur tími til stefnu, Glugginn í Sádi-Arabíu er opinn tveimur dögum lengur, en félög þar hafa sýnt Onana áhuga síðasta árið.
Athugasemdir
