Eins og fram hefur komið er íslenska landsliðið við æfingar og undirbúning í Antalya í Tyrklandi áður en haldið verður til Istanbúl þar sem leikið verður gegn heimamönnum.

Antalya er gríðarlega sólríkur staður og það var mikill hiti á æfingunni í dag.

Sóknarmaðurinn Jón Daði Böðvarsson segir að hitinn hafi verið of mikill fyrir sinn smekk.

„Ég get aldrei vanist þessu, það var of heitt fyrir mig. En það er gaman að hittast aftur og gera sig klára í alvöru leik," segir Jón Daði sem segir að allur aðbúnaður sé fyrsta flokks. „Þetta er æðislegt, hótelið er frábært og svæðið bara æðislegt."