„Ég er gríðarlega sáttur við stigin og í rauninni bara seinustu 3 leiki sem hafa innbyrt níu stig, gríðarlega sterkt fyrir okkur. Við vorum búnir að koma okkur niður í vond mál og við erum núna búnir að rétta úr kútnum og komnir upp í miðja deild sem er gott hjá okkur fyrir framhaldið," voru fyrstu orð Ágústs Gylfasonar, þjálfara Gróttu eftir 2-1 sigur á Fjölni í kvöld.
Lestu um leikinn: Grótta 2 - 1 Fjölnir
„Í síðari hálfleik ætluðum við að vera aðeins beinskeyttari og aðeins meiri gæði í okkar sóknarleik. Mér fannst strákarnir gera það og við náðum líka að verja markið okkar. Það var allavega gott að halda í núlli í 90 mínútur en fáum svo mark á okkur í lokin, það var erfitt."
Hákon Rafn Valdimarsson kvaddi Gróttu eftir seinasta leik gegn ÍBV en hann skrifaði undir hjá Elfsborg í Svíþjóð fyrir tímabil. Jón Ívan Rivine tekur við af honum.
„Jón Ívan er gríðarlega flottur markmaður og það var mikið af útkeyrslum frá honum í dag og hann varði vel á köflum. Sama má segja um Sigurjón í marki Fjölnismanna, hann hélt þeim alveg á floti hérna líka. Markmennirnir voru góðir í dag báðir en það er gott að hafa Jón Ívan í framhaldinu."
Fyrr í dag komu fréttir um það að Kórdrengir hafi gert tilboð í Pétur Theodór Árnason, framherja Gróttu og að boðinu hafi verið neitað. Gústi segir Pétur vera áfram hjá félaginu út tímabilið.
„Staðan er þannig að Pétur verður með okkur út tímabilið sem er alveg frábært. Frábær leikmaður og heitasti sóknarmaður deildarinnar og alveg frábærar fréttir að hann verði með okkur út allt seasonið. Kærkomið og gott."
Er Pétur þá á leið til Breiðabliks eftir tímabilið?
„Það er bara í skoðun og við sjáum til hvernig það endar."
Viðtalið í heild sinni má finna í sjónvarpinu hér að ofan
Athugasemdir
