Arnar var ekki glaður með leik Aftureldingar í dag.
„Ósáttur við leikinn hjá okkur. Mér fannst hann lélegur og fannst við bara ekki nógu góðir,'' sagði Arnar Hallsson eftir 3-1 tap gegn Magna í Inkasso deild karla í dag.
Lestu um leikinn: Magni 3 - 1 Afturelding
Þrátt fyrir að vera 1-0 yfir í hálfleik, þá var á brattann að sækja í seinni hálflleik eftir að Alejandro Zambrano Martin fékk reisupassann í lok fyrri hálfleiks fyrir dýfu. Hvað fannst Arnari um atvikið?
„Ég ræddi þetta aðeins við dómarann og honum fannst hann detta með leikrænum tilburðum. Mér finnst fyrra gula spjaldið sem hann fær, að þá fer hann í tæklingu og í raun er sparkað í hann. En okei, hann fær gult spjald fyrir það. Svo fer hann á fullri ferð inní teiginn og mér fannst vera smá snerting, en alls ekki víti.''
Hann hélt áfram: „Mér fannst rétta ráðstöfunin hjá dómaranum vera að láta leikinn halda áfram og ræða við manninn. Segja honum að þetta sé ekki liðið í stað þess að reka hann útaf. En hann mat það á hinn veginn og þannig er það bara.''
Viðtalið má sjá í heild sinni í spilaranum hér að ofan.
Athugasemdir
