Valur tók á móti Þór/KA í 7. umferð Pepsi-Max deildar kvenna í kvöld. Leiknum lauk með 1-1 jafntefli. Andri Hjörvar Albertsson, þjálfari Þór/KA, var ánægður með stigið:
Lestu um leikinn: Valur 1 - 1 Þór/KA
„Ég er ánægður með baráttuandann og vinnusemina, eitt stig er eitt stig, þrjú hefði verið betra en okkur veitir ekki af stigum í baráttunni. En að koma hingað á Valsvöll og ná í stig er mjög gott og ég er afskaplega ánægður og stoltur af stelpunum.“
„Valur er með leikmenn í hæsta gæðaflokki í öllum stöðum og það sem við vildum gera er að vera þéttar á ákveðnum svæðum á vellinum. Við vitum nokkurn veginn hvernig Valur vill spila fram á við og við reyndum að loka í ákveðin svæði og á ákveðna leikmenn og þar er Elín Metta fremst í flokki. Mér fannst við gera það nokkuð vel. Við neyddum Valsmenn oft í erfiða bolta sem virkaði í dag. Við hefðum kannski mátt vera betri sóknarlega séð.“
Viðtalið við Andra má sjá í heild sinni í spilaranum hér að ofan, þar ræðir hann m.a. um leikinn gegn Fylki í næstu umferð sem er mikilvægur slagur í botnbaráttunni.
Athugasemdir
