Davíð Þór Viðarsson
„Virkilega sáttur þetta var mjög vel spilaður leikur af okkar hálfu sérstaklega eftir fyrstu 10 mínúturnar í fyrri hálfleik. Þá náðum við góðum tökum á leiknum og vorum að ógna þeim þokkalega. Náum inn þessu marki rétt fyrir hlé en svo hélt þetta bara áfram í seinni hálfleik en varð auðvitað mun auðveldara eftir að þeir misstu mann af velli.“ Sagði Davíð Þór Viðarsson aðstoðarþjálfari FH eftir 5-0 sigur FH á Keflavík fyrr í dag inntur eftir sínum fyrstu viðbrögðum.
Lestu um leikinn: Keflavík 0 - 5 FH
Umdeilt atvik átti sér stað eftir um 75 mínútna leik þegar Nacho Heras varnarmaður Keflavíkur fékk að líta beint rautt spjald. Mikill hiti skapaðist á bekk FH við atvikið en um rauða spjaldið og hvað leiddi til þess sagði Davíð.
„Hann bara sló í hnakkann á Jóhanni Ægi þannig að ég held að það hafi ekki verið hægt að gera neitt annað en að gefa rautt spjald þarna.“
Annan leikinn í röð skorar FH fimm mörk á andstæðinga sína og virðast þjálfararnir loksins hafa hitt á réttu blönduna en talsverður óstöðugleiki hefur einkennt leik FH framan af móti.
„Það hefði verið gott að byrja aðeins fyrr á þessu og vera í baráttu þarna í efri hlutanum sem við erum því miður ekki. En við þurfum að huga að því að enda þetta tímabil eins vel og við mögulega getum og taka það með okkur inn í næsta tímabil.“
Sagði Davíð en allt viðtalið má sjá hér að ofan.
Athugasemdir
