Arnar Grétarsson, þjálfari KA
„Gríðarlega ánægður með að taka þrjú stigin, við höfum svosem ekki verið að vinna marga leiki í sumar. Mér fannst við mæta vel stemmdir til leiks og stýrðum fyrri hálfleiknum og það var bara eitt lið á vellinum." voru fyrstu viðbrögð Arnars Grétarssonar þjálfara KA sem var kátur eftir sigur á Gróttu á Vivaldivellinum í dag.
Lestu um leikinn: Grótta 2 - 4 KA
KA hefur ekki verið að vinna mikið og jafnvel ekki skorað mikið heldur en svo kemur liðið inn í þennan leik að ef liðið hefði tapað þessum leik þá væri kannski komin smá fallpressa og sýndi KA liðið úr hverju þeir eru gerðir.
„Já, það er alveg hægt að segja það. Mér fannst við bara spila virkilega vel, við vorum vel stemdir alveg frá fyrstu mínútu og tókum í raun öll völd á vellinum og skorum tvö góð mörk og hefðum geta skorað meira í fyrri hálfleik."
Nökkvi Þeyr Þórisson fer meiddur snemma af velli. Hversu alvarlegt var það?
„Hann var ekki bjartsýnn. Hann var jafnvel að tala um brot ég veit það ekki, ég vona ekki. Það yrði áfall fyrir okkur."
Viðtalið í heild sinni má sjá í sjónvarpinu hér að ofan.
Athugasemdir
