FH vann Fjölnismenn í Kaplakrika í dag í sannkölluðum haustleik.
"Það var þungt yfir þessu í dag. Völlurinn var þungur, það hefur rignt mikið og það er greinilegt að mikil orka hefur farið í síðustu vikur og það sást aðeins á okkur í dag."
"Það var þungt yfir þessu í dag. Völlurinn var þungur, það hefur rignt mikið og það er greinilegt að mikil orka hefur farið í síðustu vikur og það sást aðeins á okkur í dag."
Eiður var sáttur að taka þrjú stig miðað við allt.
"Þetta er ekkert okkar besti leikur, ég hafði ekki áhyggjur að við kláruðum ekki með marki, það er bara ekki í mínu eðli held ég. Þetta eru mikilvæg þrjú stig. Það er klárt."
Eiður minntist sérstaklega á frammistöðu hins 16 ára Loga Hrafns.
"Logi Hrafn nýorðinn 16 ára kemur inn í dag og mér fannst hann bara vera eins og hann hefði spilað í efstu deild í 20 ár. Yfirvegaður á boltanum og flottur, það er gott að hópurinn er breiður.
Okkur fannst kjörið tækifæri að gefa honum tækifæri í dag, við erum að dreifa mínútum og það eru smávægileg meiðsli hér og hvar. Það að geta notað hópinn og fengið þrjú stig, það er frábært."
Þegar Eiður og Logi tóku við í sumar var talað um að hann myndi klára tímabilið. Er ekki að verða nokkuð ljóst að hann verður áfram í þjálfarapeysunni næsta sumar?
"Ég verð það á næsta fimmtudag allavega! Ég er mjög ánægður með allt sem við erum að gera og stígandann í liðinu. Meira get ég ekkert sagt um þetta."
Nánar er rætt við Eið í viðtalinu sem fylgir.
Athugasemdir
