Leedsarar fengu draumabyrjun er bandaríski miðjumaðurinn Brenden Aaronson skoraði eftir 33 sekúndur. Swansea fékk gullið tækifæri til að jafna metin tólf mínútum síðar eftir að Joe Rodon hamraði Lewis O'Brien niður í teignum.

Josh Tymon tók vítaspyrnu Swansea en franski markvörðurinn Illan Meslier las hann eins og opna bók og varði vítaspyrnu hans sem stefndi neðst í hornið.

Swansea náði inn jöfnunarmarki þegar hálftími var eftir í gegnum Harry Darling.

Á lokamínútunum voru það varamennirnir sem létu til sín taka en Gnonto skoraði fyrir Leeds á 87. mínútu aðeins tveimur mínútum eftir að hafa komið inn á. Slóvenski framherjinn Zan Vipotnik kom þá inn hjá Swansea á lokamínútunum og gat ekki verið minni maður en Gnonto.

Hann færði Swansea jöfnunarmark seint í uppbótartíma og bjargaði stigi fyrir velska liðið. Slæm úrslit fyrir Leeds sem er nú tveimur stigum frá toppliði Sheffield United á meðan Swansea er í 16. sæti með aðeins 45 stig.

Burnley lagði Bristol City að velli, 1-0, á Turf Moor. Zian Flemming skoraði eina mark leiksins og hélt Burnley hreinu í 29. sinn á tímabilinu. Ótrúleg tölfræði.

Burnley er áfram í 3. sæti með 81 stig, jafnmörg og Leeds sem er í öðru sæti.

Burnley 1 - 0 Bristol City
1-0 Zian Flemming ('16 )

Cardiff City 1 - 1 Sheffield Wed
1-0 Isaak Davies ('21 )
1-1 Michael Ihiekwe ('59 )

Leeds 2 - 2 Swansea
1-0 Brenden Aaronson ('1 )
1-0 Josh Tymon ('13 , Misnotað víti)
1-1 Harry Darling ('64 )
2-1 Wilfried Gnonto ('87 )
2-2 Zan Vipotnik ('90 )

Middlesbrough 2 - 1 Oxford United
0-1 Michal Helik ('38 )
1-1 Kelechi Iheanacho ('48 )

Norwich 1 - 0 West Brom

Portsmouth 1 - 0 Blackburn
1-0 Josh Murphy ('20 )

Stoke City 3 - 1 QPR
1-0 Bae Joon-Ho ('21 )
2-0 Junior Tchamadeu ('44 )
3-0 Million Manhoef ('54 )
3-1 Min-hyuk Yang ('78 )

Sunderland 1 - 0 Millwall
1-0 Trai Hume ('20 )