Freyr Alexandersson.
,,Við komum hérna til að ná í þrjú stig og auðvitað er ég ekki sáttur við eitt. Við hefðum getað gert miklu betur og nýtt þennan leiktíma 93:55 töluvert betur þar sem við erum alltof kaflaskipt og stór kafli fyrri hálfleiks fór til einskis," sagði Freyr Alexandersson þjálfari Vals við Fótbolta.net eftir 2-2 jafntefli gegn Stjörnunni í kvöld.
Freyr gerði þrefalda skiptingu í hálfleik, tók Björk Gunnarsdóttur, Helgu Sjöfn Jóhannesdóttur og Katrínu Gylfadóttur af velli fyrir Kristínu Ýr Bjarnadóttur, Rakel Logadóttur og Málfríði Ernu Sigurðardóttur. Freyr er ósáttur við að Ólafur Þór Guðbjörnsson þjálfi bæði Stjörnuna og U19 ára landslið kvenna.
,,Það var hrollur í Katrínu, það er alveg klárt. Hún átti kafla, en það er erfitt fyrir hana að spila á hægri kanti með landsliðsþjálfara U19 ára landsliðsins í hálsmálinu. Það má setja spurninga merki við hvort það sé löglegt."
,,Þetta eru ungar stelpur að reyna að sanna sig. Hún er búin að vera inn og út úr liði hjá honum og leikmaður sem hefur gríðarlega hæfileika. Hana langaði auðvitað til að sanna sig án þess að við höfum rætt það sérstaklega fyrir leikinn.Það er alveg klárt mál að þetta hefur einhver áhrif en leikmaður verður að vera sterkari en það og spila betur. Það hefur komið upp sú staða að minn forveri til dæmis átti að vera með landslið og hún fékk ekki að vera með landslið því hún var með Val. Mér finnst að það eigi að gilda það sama um alla í þessu."
Nánar er rætt við Frey í sjónvarpinu hér að ofan.
