Jónatan Ingi Jónsson kantmaður FH hefur framlengt samning sinn við félagið um eitt ár. Hann var samningsbundinn FH til 16. október síðastliðinn en hefur nú gert nýjan samning til ársins 2021.

Í myndbandinu að ofan má sjá stiklur af ferli Jónatans með FH.

Jónatan Ingi sem er á 21. aldursári er uppalinn í FH en var í nokkur ár hjá AZ Alkmaar í Hollandi með unglingaliðum félagsins.

Hann sneri aftur til FH fyrir tímabilið 2018 og hefur síðan þá spilað 42 leiki í deild og bikar og skorað í þeim þjú mörk.

„Jónatan er framtíðar leikmaður félagsins, og væntum við mikils af honum. Það er því mikið gleðiefni fyrir FH að hann hafi ákveðið að framlengja samning sínum við félagið því við horfum á hann sem lykilmann sem hefur metnað til að ná enn lengra," sagði Valdimar Svavarsson formaður knattspyrnudeildar FH við þetta tilefni.

Jónatan Ingi sagsði: „Það er gott að geta byrjað að æfa og framlengt á sama degi. Stoltur og ánægður að hafa framlengt samning minn hjá uppeldisfélagi mínu og hlakka til að sjá vonandi sem flesta á vellinum í sumar."

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit