Enn á ný bara vonsvikinn með að vinna ekki fótboltaleiki. Við vorum þrjú - núll yfir og vorum með leikinn í okkar höndum og þá fórum við að slaka á eftir hálftímaleik. Sagði svekktur Rúnar Kristinsson þjálfari KR eftir 4 - 4 jafntefli við ÍA á Norðurálsvellinum í dag í 20. umferð Bestu deildar karla í knattspyrnu.
Lestu um leikinn: ÍA 4 - 4 KR
Menn héldu kannski að þetta væri komið og ætluðu að spara skrefin í átt að andstæðingnum til að pressa hann betur og ekki hleypa þeim eins auðveldlega í fyrirgjafir eins og í fyrsta markinu og svo missum við boltann illa þegar þeir skora annað markið sitt og þeir fara inn í hálfleik með mómentið með sér. Menn voru of værukærir og hleyptu þeim inn í leikinn sem við áttum alls ekki að gera.
Já ég var gríðarlega svekktur, svekktur í hálfleik og svekktur eftir leik að við skildum ekki vinna leikinn og gera betur. Við áttum sénsa hérna í restina, bæði Ægir og Kjartan Henry eiga hörkuskalla úr góðum færum og við erum að þjarma að þeim. En já ég er gríðarlega svekktur því í stöðunni 0 - 3 þá á þetta KR lið sem var inn á og eins það var að spila fyrsta hálftimann, ef menn hefðu haldið því áfram að þá hefði þetta aldrei verið spurning.
Nánar er rætt við Rúnar í sjónvarpinu hér að ofan.